![](https://i0.wp.com/koloapp.in/home/wp-content/uploads/2022/04/147552566_433807224628214_5175623471154600475_n.jpg?resize=750%2C494&ssl=1)
വീട് പണിയാൻ 5 സെന്റ് പ്ലോട്ട് മാത്രമാണ് ഉണ്ടായിരുന്നത്. അവിടെ ചതുരശ്രയടി പരമാവധി കുറച്ച് മൂന്നു കിടപ്പുമുറികളുള്ള വീട് എന്നതായിരുന്നു ഉടമയുടെ ആവശ്യം.
വെറും 1000 ചതുരശ്രയടിയിലാണ് ഈ വീട് എന്ന് കണ്ടാൽ വിശ്വസിക്കാൻ പ്രയാസമാണ്.
നിയമപരമായ സെറ്റ്ബാക്ക് നൽകിയാണ് വീടുപണി തുടങ്ങിയത്. ചെറിയ പ്ലോട്ടിൽ കുറച്ചുകൂടി വിസിബിലിറ്റി ലഭിക്കാനാണ് ഒരുവശം ഉയർത്തിപ്പണിതത്. അതുകൊണ്ട് പുറമെ നിന്നുനോക്കുമ്പോൾ ഇരുനില വീട് എന്നുതോന്നും. സത്യത്തിൽ ഒരുനിലയേയുള്ളൂ!
![](https://i0.wp.com/koloapp.in/home/wp-content/uploads/2022/04/148189261_433807267961543_7490314344084579842_n.jpg?resize=750%2C810&ssl=1)
ഇളംനിറമാണ് പുറത്തും അകത്തും നൽകിയിരിക്കുന്നത് . പുറംകാഴ്ച ഹൈലൈറ്റ് ചെയ്യാൻ കുറച്ച് സ്ഥലങ്ങളിൽ വുഡൻ ക്ലാഡിങ്ങും ഷോവോളും നൽകിയിട്ടുണ്ട്.
പോർച്ച് , സിറ്റൗട്ട്, ലിവിങ്, ഡൈനിങ് , കിച്ചൻ , മൂന്നു കിടപ്പുമുറികൾ എന്നിവ അടങ്ങുന്നതാണ് ഈ വീടിന്റെ അകത്തളം . സിറ്റൗട്ട് മാത്രം പുട്ടി ഫിനിഷ് ചെയ്തു. ബാക്കി നേരിട്ട് പെയിന്റ് ചെയ്തു.
സെമി ഓപ്പൺ നയത്തിലാണ് അകത്തളങ്ങൾ ഒരുക്കിയത്. കോമൺമുറികളിൽ എല്ലാം ഫോൾസ് സീലിങ് ചെയ്യിതിരിക്കുന്നു. വിട്രിഫൈഡ് ടൈലാണ് കൂടുതലും വിരിച്ചത്. സിറ്റൗട്ടിൽ ലപ്പോത്ര ഗ്രാനൈറ്റും അടുക്കളയിൽ ബ്ലാക് ഗ്രാനൈറ്റും വിരിച്ചു.
![](https://i0.wp.com/koloapp.in/home/wp-content/uploads/2022/04/147795669_433807431294860_890386976567022464_n.jpg?resize=750%2C500&ssl=1)
ടിവി യൂണിറ്റാണ് ലിവിങ്-ഡൈനിങ് പാർടീഷൻ ആയി വർത്തിക്കുന്നത്. 25000 രൂപയ്ക്ക് ഫാക്ടറിയിൽ നിന്ന് നേരിട്ട് വാങ്ങിയ സോഫ യൂണിറ്റാണ് സ്വീകരണമുറി അലങ്കരിക്കുന്നത്. പ്ലൈവുഡ് ഫ്രയിമിൽ നാനോവൈറ്റ് വിരിച്ചാണ് ടീപോയ്.
![](https://i0.wp.com/koloapp.in/home/wp-content/uploads/2022/04/146623038_433807437961526_3510303657271548796_n.jpg?resize=750%2C500&ssl=1)
ഡൈനിങ്-കിച്ചൻ ഓപ്പൺ നയത്തിലാണ്. ഒരുവശം ബെഞ്ച് കൺസെപ്റ്റിലുള്ള ഊണുമേശയാണ് മറ്റൊരു പ്രതേകത .
![](https://i0.wp.com/koloapp.in/home/wp-content/uploads/2022/04/148127009_433807481294855_893871931373333902_n.jpg?resize=750%2C508&ssl=1)
ഈ വീട്ടിലെ മറ്റൊരു മനോഹര ഇടം കോർട്യാർഡുകളാണ് . രണ്ടു കോർട്യാർഡുകളാണ് ഈ വീട്ടിൽ ഒരുക്കിയിരിക്കുന്നത്. ഡൈനിങ്ങിനോട് ചേർന്നുള്ള പ്രധാന കോർട്യാർഡിൽ ഭിത്തിക്ക് പകരം ജിഐ ഫ്രയിമുകൾ കൊണ്ട് വെർട്ടിക്കൽ പർഗോളയും സ്കൈലൈറ്റ് സീലിങ്ങും നൽകിയിരിക്കുന്നു . ഇതുവഴി പ്രകാശം സമൃദ്ധമായി അകത്തേക്കെത്തുന്നു അതുകൊണ്ട് തന്നെ ഈ സ്ഥലം അതിവിശാലമായി തോന്നും . നിലത്ത് സിന്തറ്റിക് ഗ്രാസ് വിരിച്ചു. ഇവിടെ വൈകുന്നേരങ്ങളിൽ ഇരിക്കാനുള്ള സൗകര്യവും ഒരുക്കിയിട്ടുണ്ട് . ഇതിനു സമീപം വാഷ് ഏരിയയും ക്രമീകരിച്ചിരിക്കുന്നു.
പ്രധാനവാതിൽ തുറന്നാൽ ഇടതുവശത്തായി മറ്റൊരു മിനികോർട്യാർഡുമുണ്ട്. ഇവിടെ ഇൻഡോർ പ്ലാന്റ്കൾ കൊണ്ട് അലങ്കരിച്ചിരിക്കുന്നു .
![](https://i0.wp.com/koloapp.in/home/wp-content/uploads/2022/04/148459338_433807261294877_7368622972677077651_n.jpg?resize=750%2C489&ssl=1)
പ്ലൈവുഡ് + മൈക്ക ഫിനിഷിലാണ് കിച്ചൻ ക്യാബിനറ്റുകൾ സെറ്റ് ചെയ്യിതിരിക്കുന്നത് . കൗണ്ടറിൽ നാനോവൈറ്റും വിരിച്ചിരിക്കുന്നു. അതിന് അടുത്ത് തന്നെയായി സ്റ്റോർ ഏരിയയും ഒരുക്കിയിട്ടുണ്ട് .
![](https://i0.wp.com/koloapp.in/home/wp-content/uploads/2022/04/147413900_433807231294880_8088343122564924447_n.jpg?resize=750%2C508&ssl=1)
മൂന്നു കിടപ്പുമുറികൾക്കും അറ്റാച്ഡ് ബാത്റൂം സൗകര്യം നൽകി. മുറികളിൽ എല്ലാം ഇൻബിൽറ്റ് സിമന്റ് വാഡ്രോബുകൾക്ക് പ്ലൈവുഡ് ഫിനിഷ് നൽകിയിരിക്കുന്നു .
![](https://i0.wp.com/koloapp.in/home/wp-content/uploads/2022/04/147284324_433807341294869_2612625050342251100_n.jpg?resize=750%2C517&ssl=1)
സ്ട്രക്ചറിന് 12 ലക്ഷവും ഫർണിഷിങ്ങിന് 13 ലക്ഷവും സഹിതം 25 ലക്ഷം രൂപയെ ഈ വീടിന് ചിലവ് ആയിട്ടുള്ളു .
ഏറ്റവും ചെലവ് കുറച്ച് തന്നെ, ആഗ്രഹിച്ചതിലും മികച്ച രീതിയിൽ ഈ വീട് സഫലമാക്കാൻ സഹായിച്ച ഘടകങ്ങൾ ഇവയാണ്
![](https://i0.wp.com/koloapp.in/home/wp-content/uploads/2022/04/146866235_433807534628183_517260673217892444_n.jpg?resize=750%2C503&ssl=1)
- ചതുരശ്രയടി പരമാവധി കുറച്ച് മുഴുവൻ സ്ഥലത്തെയും വൃത്തിയായി ഉപയോഗിച്ചിരിക്കുന്നു .
- 60 Rs / SFT വിലയിൽ സെമി വിട്രിഫൈഡ് ടൈൽസ് വാങ്ങി തറ ഒരുക്കിയിരിക്കുന്നത് വളരെ ചിലവ് കുറച്ച ആശയം തന്നെ .
- ഫർണിഷിങ്ങിന് ഫാക്ടറി ഫിനിഷ് പ്ലൈവുഡ്, ലാമിനേറ്റ് ഇടനിലക്കാരില്ലാതെ വാങ്ങി.
- ലൈറ്റിങ് പരമാവധി 4000 രൂപയിൽ ഒതുക്കി .
- തടിയുടെ ഉപയോഗം നിയന്ത്രിച്ചു. ജനൽ ഫ്രയിമുകൾ അലുമിനിയം ഫാബ്രിക്കേഷൻ ചെയ്തു.
Project facts
Plot- 5 cent
Design- Niyas Payyanur
Budget- 25 Lakhs
content & photo courtesy : fb group